एक सर्वेक्षण


एक सर्वेक्षण
सध्या अमेरिकेत जे मतसर्वेक्षण होते आहे, त्यानुसार रिपब्लिकन उमेदवार डोनाल्ड ट्रंप डेमोक्रॅट उमेदवार हिलरी क्लिंटन यांची बरोबरी करतांना तर कधी त्यांना मागे टाकतांना दिसत आहेत.काही दिवसांपूर्वी अशी शक्यताही कोणालाही वाटत नव्हती.
रिपब्लिकन पक्षाच्या पक्षांतर्गत प्रायमरीजमध्ये सुद्धा प्रादेशिक अस्मिता, इतर देशांच्या नागरिकांना अमेरिकेत नोकरीनिमित्त प्रवेश करण्यास अनुमती, अमेरिकेत गोऱ्यांवर होणारे हल्ले यांचे भांडवल करून डोनाल्ड ट्रंप सर्व प्रसार माध्यमांमध्ये झळकत राहिले.
पण ८ नोव्हेंबरला होणाऱ्या निवडणुकीवर या सर्वांचा परिणाम होण्याची शक्यता नाही. कारण फ्लोरिडा; अमेरिकेचा अप्पर साऊथइस्ट रीजन म्हणून ओळखल्या जाणाऱ्या नाॅर्थ कॅरोलीना, साऊथ कॅरोलीना, टेनसी, व व्हर्जिनिया या ४(चार) राज्यात;  रस्ट बेल्ट  रीजन म्हणून ओळखल्या जाणाऱ्या  इलिनाॅइस, इंडियाना, मिशिगन, ओहिओ व पेन्सिलव्हॅनिया ५(पाच) राज्यात आणि इंटिरिअर वेस्ट रीजन  म्हणून ओळखल्या जाणाऱ्या अॅरिझोना, कोलोराडो, इडाहो, माॅंटॅना, नेवाडा, न्यू मेक्सिको,  युटाह, व्योमिंग या ८(आठ)  अशा एकूण १८ राज्यात कोण बाजी मारतो, यावर उमेदवाराचे भवितव्य अवलंबून असते असे मानले जाते. या १८ राज्यात १९९२ पासून २०१२ पर्यंत डेमोक्रॅट पक्षाची चलती चालत आलेली असून या राज्यातून डेमोक्रॅट पक्ष तब्बल २४२ इलेक्टोरल व्होट्सची भरभक्कम पायाभरणी सतत करीत आलेला आहे. निवडणूक जिंकायला २७० इलेक्टोरियल व्होट्स लागतात, हे लक्षात घेतले म्हणजे खूप बोलबाला झालेले बोलभांड ट्रंप यांच्यासमोर किती मोठे आव्हान आहे, ते लक्षात येईल. पण अजून ८ नोव्हेंबर ही तारीख तशी खूप दूर आहे.
  प्रत्येक पक्षाचे बाले किल्ले असतात. तसे या दोन्ही पक्षांचे बालेकिल्ले आहेत. त्यात दर निवडणुकीत थोडीफार  पडझड होत असते इतकेच. यांचा उल्लेख सेफ स्टेट्स किंवा नाॅन स्विंग स्टेट्स अशा नावाने केला जातो. याउलट जी राज्ये कोणत्या पक्षाच्या बाजूने उभी राहतील, हे अनिश्चित असते, त्यांना स्विंग स्टेट्स किंवा पर्पल स्टेट्स किंवा बॅटल ग्राऊंड स्टेट्स म्हणून संबोधतात. २०१६ मध्ये ओहिओ, कोलोरॅडो, आयोवा, नेवाडा, न्यू हॅंपशायर, व्हर्जिनिया आणि फ्लोरिडा ही स्वंग स्टेट्स असतील, असा तज्ज्ञांचा अंदाज आहे. अमेरिकेत लोकमत कोणत्या कारणाने कुणाकडे झुकेल, ते सांगता येत नाही. मुस्लिमांबाबतची भूमिका हा जसा एक ज्वलंत प्रश्न आहे, तसाच लिंग परिवर्तन झालेल्या व्यक्तींनी कोणती बाथ रूम वापरावी, याबाबतही टोकाची मते बाळगणारे आहे.

Comments

Post a Comment

Popular posts from this blog

कशासाठी मतांसाठी, अध्यक्षाच्या पदासाठी

कशासाठी मतांसाठी, अध्यक्षाच्या पदासाठी ‘तू नंबर एकची खोटारडी आहेस’ ‘तू तर नालायक आहेस?’ पैसे कसे गोळा केले सांगू का? ‘आणि तू किती कर बुडवलास, ते सांगू का?’ कोणता विषय कसा तापवता येईल व त्याला कोणत्या दिशेने नेता येईल, हे राजकारण्यांकडून शिकावे, असे म्हणतात. त्याचप्रमाणे इथून तिथून सर्व राजकारणी सारखेच, असेही म्हणतात. हे विधान खरे की खोटे हे ठरविण्यासाठी पुरावे देण्याची जबाबदारी सामान्यत: ते करणार्‍याची असते/असावी, हेही सर्वमान्य असायला हवे. पण काही विषय असे असतात की, ते पसरवण्यासाठी पुराव्याची आवश्यकता नसते. कारण लोक पुरावे मागण्याच्या भानगडीतच पडत नाहीत. असे विषय शोधून काढून त्यांचा आपले म्हणणे सिद्ध करण्याचे बाबतीत राजकारण्यांचे हात कुणी धरू शकणार नाही. सध्या अमेरिकेत समलिंगी लोकांचा महिनाभर चालणारा उत्सव सुरू आहे. या काळात या प्रकारच्या व्यक्तींबद्दलचे विषय चर्चेला येणे ही एरवी एक सामान्य बाब ठरली असती. या मंडळींच्याही काही समस्या असतात. त्यांच्या सोडवणुकीचा मुद्दाही विचारात घेतला जावा, हा विषय या उत्सवाच्या काळातच समोर यावा याचेही आश्‍चर्य वाटायला नको. या मंडळींनी कोणती सार...
Read more

अमेरिकेत द्विपक्षीय राजकारणाच्या शेवटाची सुरवात?

अमेरिकेत द्विपक्षीय राजकारणाच्या शेवटाची सुरवात? वसंत गणेश काणे, बी एस्सी,एम ए (मानसशात्र), एम.एड पराईम रोज लेन नाॅर्थ, याॅर्क, पेन्सिलव्हॅनियी   E mail - kanewasant@gmail.com Blog - kasa mee?     आंतरजाल(इंटरनेट) व संगणक यांनी जगाला ‘ग्लोबल व्हिलेज’ ही संज्ञा प्राप्त करून देण्याचे बाबतीत मोठी व महत्त्वाची भूमिका पार पाडली आहे. त्यातून लहानसहान गोष्टींनाही महत्त्व द्यायचे व त्या विषयाचे चर्वितचर्वण करायचे हा अमेरिकेचा मूळ स्वभावधर्म आहे. तो निवडणूक काळातही कायम असतो. जाॅन एफ केनडी निवडणुकीला उभे होते त्यावेळची एक गोष्ट सांगतात. त्यांच्या लहाव मुलाने एक मांजराचे पिल्लू कानाला धरून उचलल्याचे चित्र प्रसिद्ध झाले होते . याचा फार मोठा ‘इश्यू’ झाला होता. मुलातील ही क्रूरता आईवडलांचे संस्कार कसे आहेत, ते दाखवते. अशी व्यक्ती अध्यक्ष होण्यास योग्य मानायची काय? वगैरे, वगैरे.     निवडणुकातील महत्त्वाचे विषय बदलले - यावेळच्या अमेरिकेतील अध्यक्षीय निवडणुकीवर मात्र जागतिक घडामोडींचा एक वेगळा व विशेष परिणाम दिसतो आहे, त्यातही मुस्लिम जगतातील घडामोडी व इसीस सारखी संघटना...
Read more

अमेरिकींचा अभूतपूर्व संभ्रम

अमेरिकींचा अभूतपूर्व  संभ्रम  लोकशाही वार्ता २५ .९.२०१६ अमेरिकेत व अमेरिकेबाहेरही उमेदवारांच्या योग्यायोग्यतेचीच चर्चा जास्त होताना दिसते. तसेच ईमेल्स, क्लिंटन फाऊंडेशन, डोनाल्ड ट्रंपचा अरोरावीपणा, उद्धटपणा, अज्ञान, नोकर्‍या, सुरक्षा हेच विषय चर्चिले जाताना दिसतात. हिलरी क्लिंटन यांना न्यूमोनिया झाला आणि त्यांच्या प्रकृतीविषयक स्वास्थ्याबाबतच्या जुन्या तर्कांनाही नव्याने उजाळा मिळतोय. यावर उतारा म्हणून डोनाल्ड ट्रंप यांची प्रकृती कोणती धड आहे, अशाही वार्ता कानावर पडत आहेत. यात तथ्य किती हा मुद्दा बाजूला ठेवला तरी मतदारांना हे दोन्ही उमेदवार मनातून पसंत नाहीत, ही बाब अधोरेखित झाल्यावाचून राहत नाही. हे सगळे मुद्दे महत्त्वाचे आहेत, यात शंकाच नाही. पण इतरही प्रश्न महत्त्वाचे असून ते निवडणुकीच्या निकालावर या बाजूने किंवा त्या बाजूने परिणाम करू शकतात. पण ते सध्यातरी काहीसे मागे पडले आहेत. पण पुढे समोर येऊ शकतील, नव्हे आणले जातील व त्यांचा निवडणुकीच्या निकालावर परिणामही होऊ शकेल. म्हणून ते विचारात घ्यायला हवे आहेत. अमेरिका - मेक्सिको सीमाप्रश्न, जगातील कोणत्याही परागंदा व्यक्तीला ...
Read more